Mézami mi rapèl in kozman d’in sèrtin Pierre Dac téi di konmsa : « a antande in gran kriyé, lété in moune afors téi fé noir la oush ai avèk lo né in n’ote. An prinsipe sa sé in n’afèr lé pa possib, sof pou fé in plézanteri ».

Mé néna plézanteri épi plézanteri !

Si wi kroi déboush oute né an moushan lo né d’in voizin ou lé dan l’érère. Parèye si wi kroi wi trète oute voizin épi sa va guéri aou, konte dossi mé fyé pa tro. Astère wi pé touzour kroir sé lé zote k’i amenn la maladi é pa ou, si sak i ariv de mové sé par lé zote, é pa par ou lib aou de kroire sa mémwin lé sir ou lé pa dann vré.
Alé ! Mi kite azot rofléshi la dsi é ni artrouv pli d’van. Sipétadyé.