Oté

« I nétoiye pa zardin avèk lo zong vèrni »

In kozman pou la rout

Justin / 11 zanvié 2021

JPEG - 43.6 ko

Médam zé Méssyé, la sosyété, koz èk mwin sé koz èk in kouyon mé sé o pyé d’lo mir k’i oi lo masson. Mézami suivan sak ou néna pou fé, i fo out tenu lé adapté pou lo korvé wi sava fé. Si wi nétoiye zardin pétète wi mète in gan d’zardinyé épi wi ansèrv bann zoutiy zardinyé. Mé sirman wi abiye pa ou konm in manekin, konm in sokrétèr, osinonsa konm in l’otèss d’akèye po nétoiye out zardin. Dizon dann tout sak wi fé out tenu i doi alé avèk out travaye. Pou kossa mi di sa ? Sinploman pars néna in tenu i kol bien avèk out travaye sansa avèk out métyé. Zot toutt i koné la tenu in kuizinyé, sansa sète in ponpyé, sansa ankor sète in polisyé. Dabor i fo ou lé bien dann sak ou l’apré fé. I f opa ou lé zéné, i fo wi sana ou b ien. I fo demoun i rokoné aou par out tenu dann sak ou l’apré fé. Lo plu proférab sé sa. Alé ! Mi kite azot rofléshi la dsi épi ni artrouv pli d’van. Sipétadyé.