Médam zé méssyé, la sossyété, koz èk mwin sé koz èk in kouyon, mé sé o pyé d’lo mir k’i oi lo masson.

Mézami, dann zot famiye, osinonsa dann zot lantouraz, zot i koné d’moune i siporte bien bann kontraryété d’la vi épi salk i siporte mal.So bann-la ni pé apèl azot bann malsoufran donk zot i siporte mal bann kontraryété d’la vi.

Zot i koné i paré lo shien kan li antan pétar, i paré li antan sink foi pli for ké nou ébin shé l’moune lé parèye : kan i fé sho zot i an pé pi.Kan i fé fré , lé parèye.Dézorde demoune i kass zot zorèye. Bann zinkonvényan d’la vi i fé sorte azot dann zot gon, konmsi zot lété in porte.

Néna in pé i mète zot poin d’onèr a siporte in pé toute san tro fé oir, sansa fé antann, i doi zot lé stoïk, i di galman sa lé marké dann zot jène dopi lo tan bann vyé zansien.Pétète lé vré, pétète lé pa vré, pétète sa i dépann lo moune.

Défoi in pé i di olèrk k ‘ète malsoufran konmsa, akoz wi pran pa in pé dsi ou ?mé oziss sa lé possib sa ?

Alé ! mi kite azot rofléshir la dsi é ni retrouv pli dvan sipétadyé.