Médame zé méssyé, la sossyété, koz èk mwin sé koz èk in kouyon, mé sé o pyé d’lo mir k’i oi lo masson.

Mézami zot i koné sirman kozman-la . Mwin pèrsonèl mi souvien mwin la antande sa dann in bataye ménaz plito in dispite avèk in kantité d’parol san fin. Inpossib arété. wi diré sé in kékshoz na pi d’fin.

Fé arète in flo d’parol konmsa ?Bonpé d’moune l’avé anvi mé pèrsone té k’i gingn . Alor momandoné in pé la di, lé initil sèye fé arète sa, pars sé in suite san fin.La lang téi bate, téi bate san arété.. La lang zot i koné sa la poin lo zo é konm li la poin lo zo, inpossib arète ali . i pé pa anpèsh la mèr bate.

Alé ! mi kite azot rofléshi la dsu é ni artrouv pli d’van. Sipétadyé.