Oté

« I pé pa bingn san mouyé ! »

In kozman pou la rout

Justin / 12 mars 2019

JPEG - 43.6 ko

Kan I bingn, I bingn dann lo é forsé d‘mouye aou. Sof si ou néna in linz rokouvèr avèk plime kanar mé sa lé rar-pli rar ké korn lapin. Mé an final de kont vi ké nou la rant dann in proverb ni pé dir ni parl pi d’mouyé pou vréman, galman ni parl pi la plime kanar. Ni parl in kékshoz i éspas dann la sosyété, sansa dann la natir imène… Mi souvien in zour in vyé madam té apré di son pti fiy la tonm an amour avèk in garson mi souvien pi koman lo ga téi apèl, mé èl la mète an gard son fiy-par l’fète la momon é èl la di kozman moin la mark an-o la é mi pans la pa bézoin in gran lésplikasyon pou konprann ali. Lo tan la passé é sak i dové arivé l’arivé mé la pi bézoin anparl sa vi k’lé pi dan l’aktyalité. Mé sa i anpèsh pa moin rofléshi la dsi é ni artrouv pli d’van. Sipétadyé !