In kozman pou la rout

« I pé pa manz kann épi bate tanbour an mèm tan. »

29 zwin 2018, sanm Justin

I paré i pé pa fé dë shoz an mèm tan. Sirtou bann shoz i akord pa bien inn avèk l’ot konm kozman lé marké an-o la. An touléka, mèm si lé posib fé lé riskab inn rant lo dé sansa lé dé an mèm tan i réisi pa. Moin pèrsonèl, mi gingn fé in sèl z’afèr pars si mi sèye fé dé, néna inn i foir. I paré in prézidan l’Amérik té i gingn pa kozé épi kouri an mèm tan sansa li té i kapote konm in foi nou la vi dann télé. Malorozman, koméla i pé di zafèr konmsa mé boudikont i pé pa fé pars ou lé blijé fé plizyèr z’afèr an mèm tan. Ou na poin lo shoi : lé konmsa é pa otroman. La vi koméla lé konmsa ké ni vé ké ni vé pa. Alé ! Mi kite azot rofléshi la dsi é ni artrouv pli d’van. Sipétadtyé.

« I pé pa manz kann épi bate tanbour an mèm tan. » : Sa in provèrb bann zil komor.

Padport

Signaler un contenu

Inn modékri, inn ti lavi, inn komantèr ?


Témoignages - 80e année


+ Lus