Oté

« I pé pa mèm zour fouye la tèr, planté, fé pousé, ramasé épi manzé »

In kozman pou la rout

Justin / 27 novanm 2018

JPEG - 43.6 ko

Shak shoz i vien an son tan : sa sé in prinsip lé bien asiz dann nout manyèr pansé Pars, fransh vérité, ou i pé pa fé plizyèr z’afèr an mèm tan, konm ou i doi réspèk in l’ord dann tout sak ou i fé. Par l’fète sa i rapèl amoin in prézidan amérikin : li té i apèl mésyé Ford. Figir azot so boug-la téi pé pa fé dë zafèr an mèm tan konm mash sinegome épi kouri – a tou lé kou li téi tonm. In n’ot afèr : in kari ? Pou fé in kari néna plizyèr zopérasyon é kan ou i fé sa ou néna in l’ord pou réspékté sansa out kari la pa bon. Astèr sak mi pé dir azot sé d’ rofléshi dsi nout kozman pou la rout zordi é ni artrouv pli d’van. Sipétadyé !