Mi sava rakont azot in zistoir vré : dann tan demoun téi sava rode de lo la fontène toute demoun téi trouv dann shomin ziska sak l’avé in kont pou réglé. Donk in soir féklèr in madam Amédé i ropèr son l’enmi Polète. Vitman, vitman èl i pass dovan épi èl i koup shomin. Dizon pou fou in kou fatal son l’enmi èl i anvoye lo pyé, lo poin, la tète épi d’ot morso ankor é oila k’èl i pète atèr. El i rolèv épi èl i di : Moin ma fiy, kan moin néna kékshoz pou dir mi anvoye pa dir mi vien moin mèm. L’ot i fé : A ! A ! Kosa la spasé ? épi shakinn i kontinyé son shomin. Moin mi di azot d’apré moin lo téknik madam Amédé lété pa sak èl I atandé. I pé dir : anvoye lo pyé, anvoye lo poin, anvoye la tète, mé la pa in n’afèr pou fèr konm èl la fé. Alé ! Mi kite azot rofléshi la dsi é ni artrouv pli d’van sipétadyé !