Si li done pa ou l’èr, li done aou son boté é té déza kékshoz dann tan mi anparl azot. Mé lé vré li l’avé pi son l’itilité prinssipal. Astèr kossa k’i ansèrv nout kozmlan mwin la mète an-o la ? Sé in losson léfikassité ? Sansa in losson légoïssité ?

Mwin la déza antann demoune apré dir la sossyété la shanjé, i fo shanj ansanm é shak foi mwin téi poz amwin késtyon. Par égzanp mi di si néna an sossyété in mové shanjman, mi doi shanj dann sanss-la sansa non ? Mwin mi panss non, mé déssèrtin i panss pa konm mwin.

Dann nout sossyété néna bann valèr fondamantal é mi panss pa sa va disparète in zour konm par mazi é ni féra pi in ka avèk sa. An kontrèr mi panss bann valèr-la néna la vi dir é zot néna ankor in bonpé d’tan pou fèr avan d’baré.

Mi kite azot rofléshirla dsi é ni retrouv pli dvan, sipétadyé.

Justin