Ala in kozman I pé antann tazantan é késtyonn sans prop la pa bézoin rod midi a katorz-èr pou konprann. Si out mont lé an pane, la pa bézoin pran l’èr avèk li, pars ou lé riskab pa ète a l’èr l’androi ou i sava. Astèr, konm sé in provèrb i fo ni rod lo sans pou vréman. I pé dir, la pa bézoin, baz dsi in n’afèr déréglé pou trap in bon rézilta. I pé dir osi pran pa la péne atann in bon konsèy avèk in moun i koné pa kèl koté li lé déviré. Bien antandi, in nivo mal akordé é sé in mir an dévèr…

Kosa zot i anpans zot ozis ? Arien ditou ! Fé travay z’ot koko ! Fé bouy z’ot matyèr griz. Zot va oir ké, rant-rant, ni pé z’ète, tazantan, d’akor, rantre nou.