Mi panss sé in vérité pars shak foi la sézon moush i ariv, in pé partou dann tout kaz i pshitt in pé vinèg pou faroush bann moush ; lé pa éfikass san pour san, mé kant mèm in pti pé.

Astèr nou lé pa la pou anparl moush ni vinèg, nou lé la pou diskite in pé bann rolassion dan la sossyété.. Mi koné d’moune-kamarad dizon — kan i done azot in rol pou atir demoune, sé lo kontrèr zot i fé, zot i faroush lo moune. Poitan lé sinp konm bonjour : ni koné kréol lé sisséptime, donk si wi vé li suiv aou i fo pa fèr vilin manyèr avèk li.

Normal pars si wi fé vilin manyèr, an dë tan-troi mouvman wi rotrouvv aou tousèl é tousèl, sirésèrtin, wi gingn ar pa fèr rien.

Alor, si nou lé dann in tan pou rokonstityé nout parti, i vo myé ni médite dsi kozman mwin la mark an-o la : siro i atir moush pa vinèg. Si wi vé atir demoune i fo zot i panss zot lé indispansab ; zot lé rosherché.

Alé ! Mi kite azot rofléshir la dsi é ni artrouv pli dvan sipétadyé.

Justin