Oté

« I ral pa moush avèk vinèg » 

In kozman pou la rout

Justin / 17 févrié 2020

JPEG - 43.6 ko

Mésyé, Médam, La sosyété, koz èk moin sé koz èk in kouyon mé sé o pyé d’lo mir k’i oi lo mason. Moin lé sir é sèrtin moin la fine anparl azot kozman-la mé mi pans zot i ansouvien pétète pi épi kan in n’afèr lé vré, ou i pé di é répété. Lé vré si lé fo, ou i pé répète ali konmsa lo fo lé riskab shanj an vré – an touléka lo moun lé kapab oir ladan kékshoz vré. Moin pèrsonèl, mi yèm bien kozman-la, pars sé kant mèm in l’invitasyon pou gingn sansa pou done aou in karaktèr dou épi konpréansif. Dann ka kontrèr, sa i apèl in boush ta gèl é pran in boush ta gèl lé bon, mé plizyèr sa la pa in n’afèr pou aprésyé. Zot bann kandida la politik, méfyé azot zot karaktèr : lé posib sa i pé fé pèrd azot in zéléksyon é anpliské sa aport azot difikilté dann la zéstyon d’in koléktivité. Alor, tansyon pangar é majine toultan kozman nou la mark zordi pars sa sé in bon lésonn vi-é konm i di mète in pé d’lo dann zot vin, sansa in pé siro dann zot ronm 49 dégré. Alé ! Mi kite azot rofléshi la dsi é ni artrouv pli d’van. Sipétadyé.