Mézami, la plipar rante nou i koné guèpe é kossa li lé kapab fé. Mé a bien kalkilé, guèpe i pike é sa lé vré, mé la pa toultan li pike aou. Li pike aou si li san wi mète ali dann danzé, kissoi par ékspré, kissoi san fé t’ékspré – sa i ariv galman.

Dann in sanss li lé mwin mové ké l’moune mové pars souvan défoi lo moune mové li détrui aou même si ou la pa fé ali kékshoze konsékan, i sifi pou sa son prinssipe moral lé déréglé li néna valère la pa sète limanité.

Sa i ariv pli souvan ké ni kroi pars bande valère ni gingn sa par léritaze famiye, sansa par léritaze la sossyété. Wi sava bazar ladan é sak wi pran la pa forséman in bon prinsipe do vi – ala talère oute moral lé défalké pa par in n’afèr ou la invanté mé par in n’afèr ou la armassé.

Konm in kozman i di : « wi fé sak wi oi ! ». Si wi oi mové zafère, zot i konpran la suite.

Alé ! Mi kite azot rofléshi la dsi é ni artrouv pli d’van. Sipétadyé.

Justin