Mésyé, Médam La Sosyété koz èk moin sé koz èk in kouyon mé sé o pyé d’lo mir k’i oi lo bon mason. Mé zami pé s’fèr zot i koné pa bien kozman moin la mark an-o la - mé la pa po sa lé difisil trouv kosa li vé dir, trouv son sans pou la vi an sosyété d’moun. Dabor pou lo sans prop la pa bézoin bak +25 pou konprann si la montr lé an pane la pa la dsi i sava pou gard l’èr ki lé. Aprésa pou lo sans figiré, in montr an pane i pé z’ète in moun lé pa konpétan, lé pa konésèr dann lo ransègman ou l’apré rodé . I pé z’ète vré galman pou d’moun ou i pran pa l’èr avèk li sinploman. Donk ou i anvoye ali asiz dsi ti-ban épi pa mète son kiyèr sal dann manzé i kui pa po li. Alé ! Mi kite azot rofléshi la dsi é ni artrouv pli d’van. Sipétadyé.