Mézami, mi koné pa si zot la antande trikmardaze l’arivé dan in séanss rékonpanss bande zaktèr, mé antouléka, néna inn la flanke in kalote dan a figuire in n’ote pars la gougnarde son fanm koko té razé. Li la bate in kalote dann la figuire lo kassèr lé kui, apré li la baré.

Li la rotourne pou gingn son pri é li la di konm modéskize : « L’amour i fé fère ninporte dekoi. »

Sa la rapèl amwin in kozman ni koné dopi lontan é mwin la marke sa anlèr-la. Mé kossa sa i vé dire ? Mon n’avi i vé dire i pé pa an avoir lo pou dann in koko razé, donk alé pa rode kékshoze landroi li pé pa z’ète.

Mi kite azot la dsi é ni artrouv pli d’van. Sipétadyé.

Justin