Sirésèrtin i pé komanss par in rogar k’i atir aou in pé pliss k’in ote é final de kont ou la konm bézwin so rogar-la. Pétète pars lo tan d’in rogar i spass dé shoz k’lé pa prévi, konm in lien virtyèl i instal ali ofiramézir.

Forsé momandoné sa i pass par lo kèr : konm lo kozman kréol i di sa i fini avèk lo kèr. Donk sa i fini par in zistoir d’amour… Biensir mi vé pa anparl lo kou sak bann franssé i apèl lo kou d’foud-dizon sa lé rar mé i ariv kant mèm défoi… é, sa i ariv toudinkou, é i dévlope in fors wi pé pa rézisté.

Antouléka sa i komanss par lo zyé, par lo rogar, l’éshanj rante dë regar é pou finir sa i pran aou dann kèr mèm. Lo dézir ladan ? A kou sir li ariv kan son tour l’arivé.. Mé mi arète tèr-la pars dann lavantir lamour néna in sogré kékshoz konm in fluide k’i pass é ni koné pa kossa i lé-orozman ! Sansa lo mistèr ladan. Oussa li sré ?

Antouléka mi invite azot rofléshir la dsi, si la roflékssion néna son plass. Roflékssion i sava avèk rézon, mé la rézon néna son plass ladan ?alé ni retrouv pli dvan sipétadyé.

Justin