Mézami mi panss zot i konpran kossa sa i vé dir : lé sir kan ni sava la pèsh sé pou trape poisson, mé lo bi la pa pou trape lékime pars sa sé kékshoz k’i ansèrv pa arien. Donk sa i vé dir wi fé in n’afèr pou la po d’patate.

In n’afèr na poinn sanss, si ni kalkil bien é la plipar d’tan kan ni fé kékshoz sé kékshoz néna in sanss… Sé konm kan wi di : « mi sar plante makaroni avèk dio sèl » é é pou done koué ? arien ditou bien antandi.

Konbienn foi mwin la antann si wi fé in n’afèr dan la vi sé pou donn in sanss oute légzistans, pars si nou lé pou trépé d’tan so koté issi d’la vi, assiréman pou ké noute sézour dsi la tèr néna in sanss é alé la pèsh pou trape lékime, éskiz mon pardon…

Mi kite azot rofléshi la dsi é ni rotrouv pli d’van. Sipétadyé.

Justin