Oté

« I shanj pa in lékip k’i gagn, konm déssèrtènn foi in lékip k’i pèrde »

In kozman pou la route

Justin / 16 mars 2021

JPEG - 43.6 ko

Médam, méssyé, la sosyété koz èk mwin sé koz èk in kouyon, mé sé o pyé lo mir k’i oi lo masson. Mézami, mi prézante azot in kozman mwin la fine aranz in pé. Pou kossa mwin l’aranz ali ? Pars d’apré sak mwin la romarké néna bann zékip gagnan i sorte déssote zot poin vinkèr, é si zot la gagné lé pa forsé zot i sava rogingn ankor kissoi dan l’éspor, kissoi dann la politik, épi dann toute konpétissyoon néna dann la sosyété. Donk na dé foi i fo shanj in lékip k’i gangn é tanka lékip k’i pèrde i fo shanj aèl ossi, mé la pa toultan èl néna konsyanss èl i sava pèrde. Alor kossa i fo fère ? Soi i atann lo poin non rotour, soi i invèrti pou domin, soi i koné pa kossa i fo fé. Lo tan lé shanjan, la vi lé ossi, la natir imène parl pa. Alé ! ni rotrouv pli d’van. Sipétadyé.