In vash sa i amenn dolé pou zanfan. In bèf sa i ansèrv pou fé bann ti transpor épi mèm aral sharète pou d’moune kan zot la pwin bèf par zot mèm sansa kan lo bèf la fine manké. Bèf téi pèrmète gingn fimyé galman.

Mé souvan défoi kan i di in kozman konmsa, i anparl pa bèf mé i anparl demoune é téi ariv, dann tan, lété lo fam téi kass la korde épi téi sava par raporte in sityassion èl i pé pi anparé.

L’èr-la kan i di bèf la kass la korde souvan défoi sé lo fam k’la kass la korde é sa téi vé bien dir koman dann tan déssèrtènn fam téi viv. Plito konm in l’objé, in shoz, finalman konm kélk’in lé pa konsiféré konm in moune a par antyèr.

Alé ! lo passé sé lo passé é souéton so tan-la lé déyèr nou. Mi kite azot rofléshir la dsi é ni retrouv pli loin sipétadyé.

Justin