In kozman pou la rout

« I tir pa l’arzan sou rosh »

27 mé 2016, sanm Justin

I di osi : « i tir pa l’arzan sou galé » , osinonsa : « i tir pa l’arzan dsou la pate shoval ». Ousa i sort in kozman konmsa ? Mi vann konm moin l’ashté : fi t’in tan kan téi pass sharu atlé avèk in shoval dann bitasyon téi ariv, in foi rant-rant té I trouv in jar avèk pyès l’or ou l’arzan dodan, bann pirate la kashyète dan la savane é la pa vni shèrché. I di mèm dann l’antré la rout litoral nana trézor solman pèrsone la pankor gingn tiré. Vré ? Pa vré ? Mi koné pa ozis. Astèr kosa i vé dir nout kozman ? Sa i vé dir l’arzan-an zénéral-i gingn pa san forsé. Donk si in moun i domann aou l’arzan an prété, ou an kado, ou i réponn par lo kozman nana an-o la si ou i vé pa doné. Ou i kroi l’arzan-la i trouv sa sou la pate shoval ? Alé ni rotrouv pli d’van.


Signaler un contenu

Inn modékri, inn ti lavi, inn komantèr ?


Témoignages - 80e année

La pès kabo

5 juillet, par Christian Fontaine

Kan i ariv Novanm-Désanm-Zanvié, domoun i réziste pi ek la salèr. Zène-zan i mars dann somin, zène-fi i roul an dékolté ; sétaki i rod in manir po (…)


+ Lus