Sa sé in n’afèr nana ankor in bon pé isi La Rényon sa ? Avan, dann tan lontan la kaz bann moun nana lo pourkoi l’avé touzour, in onm, sansa in fanm-a-tou-fèr. Sa l’avé poin in zour d’ropo, sa l’avé poin dimansh, sa té i bourkant tout la zourné dopi solèy la lévé ziska la nuite la tonbé. Sèl rékonpans, in z’asyète manzé matin é soir. Pa lo pli pti katsou, pars lété konmsa, pars lo moun té pa in moun libéré, konm in zésklav dann son kèr. Astèr la fini, Moin la pa tro sir ankor pars mi koné plizyèr pèrsone i viv-sanm pou moin-ankor konmsa zordi.

Astèr nout provèrb ? I vé dir la pi konmsa zordi, i vé dir demoun lé lib, lé égal-égal avèk sak i fé travaye azot. In moun la pa pèrd son droi mète shapo (nou la fine anârl de sa).

Kosa zot i anpans ? Arien ditou ? Fé travaye z’ot koko d’tète ! Fé bouy z’ot matyèr griz ! Zot va oir ké, rant-rant, ni pé z’ète, tazantan, d’akor rantre nou.