Mi rapèl in zour in moun té apré mète bann médikaman blé sak i bate atèr bann léskargo, bann losh, épi mèm bann pti kokiye dé tèr… La mète in kantité té i fo oir. In moun té apré rogard sa la di ali : « Bin la ! Ou i mète do koi tyé in bèf ! ». Dizon té konm in plézantri mé avèk in pti grin d’roprosh kant mèm. Dann nout kozman moin la mark an-o la, i di bien pou trap in rézilta i fo ou i mète lo moiyin k’i fo, mé san égzazéré. Zis mé pa tro ! Zis mé asé ! Ou i sava pa vide la mèr avèk in pti po yaourt. Ou i sava pa non pli fé konm lé marké an-o la. Alé ! Mi kite azot rofléshi la dsi é ni artrouv pli d’van. Sipétadyé !

*Alé pa dir mi konsèye azot mète bann produi-la pou débarass azot av èk bann ti gastéropode, pars moin néna in bon kamarad lé riskab pi di amoin bonzour si li apèrsoi moin la di fé in nafèr konmsa.