Médam zé méssyé, la sossyété, koz èk mwin sé koz èk in kouyon, mé sé o pyé d’lo mir k’i oi lo masson.

Sa sé in kozman i sava bien avèk lo tan d’zordi-lo tan in promyé miniss in gran gouvèrnman la pèr lo brui kiyèr apré bate dsi kastrol zistoman pou in késtyon d’rotrète. Zot i koné mézami, dan la vi shak shoz néna son bon koté, sansa son dézagréman. Travaye lé bon, mé lo ropo avèk la bone nouritir la zamé tyé son om : parol d’or d’in zoinalyé filozof.

Epi, sak lé sir, sé ké l’annui lé éné in zour par l’iniformité é kékshoz i plé aou zordi, i plé aou domin, i ariv in zour i plé pi aou ditou. San z’atande soisant-katran ! Alor l’anvi alé dépoz oute zoutiye dann pyé la vyèrz noir,sa i pran aou, é plizanpli for ziska l’èr sa i dovien in fors insirmontab. Arvoir pyèr, tak baro !

Alé ! Mi kite azot rofléshi la dsi é ni rotrouv pli d’van, sipétadyé.