Mézami provèrb-la i sorte Madégaskar, mé biensir in losson d’sazèss konmsa, lé valab in pé partou dsi la tère, landroi néna bande zumin konm nou.

L’amityé, konm zot i koné, sa in l’or dann la sossyété d’moune. Néna pwin partou, an kantité, mé landroi néna i fo konète garde ali pars sa lé konm in bon siman rantre nou. Li fé tienbo doboute lo lédifiss sossyal.

Larzan an kontrère d’apré sak mi panss épi d’apré mon prope léspèryanss, li divize pliss ké li rassanb. Landroi li pass li sèm bande grin la divizyon.

Alé ! Mi kite azot rofléshi la dsi é ni artrouv pli d’van. Sipétadyé.

Justin