Témoignages - Journal fondé le 5 mai 1944
par le Dr Raymond Vergès

Cliquez et soutenez la candidature des Chagossiens au Prix Nobel de la Paix

Lakey lo sit > Chroniques > Oté

« I vo myé ète tousèl ké mal akonpagné »

In kozman pou la rout

mardi 11 févrié 2020, sanm Justin

Mésyé, Médam, La sosyété koz èk moin sé koz èk in kouyon, mé sé o pyé d’lo mir k’i oi lo mason. Mi pans zot tout i koné kozman-la pars bann z’ansien téi mank pa rapèl anou sa sirtou kan i voulé ni sava pa avèk intèl, sansa avèk in n’ot. Zot i koné pou in pé, i fo zot i shoizi la frékantasyon zot fiy épi zot garson. I paré koméla sa la fine pass in pé pars bann jenn i yèm bien alé kont la volonté zot paran é zot i yèm pa, mé pa ditou k’i komann azot. Zot i koné sa i sava avèk l’èr di tan-ou i pé pa prèsh la libèrté épi rofiz out lantouraz so mèm libèrté ou l’apré ovandiké. Si in zour zot vyé famiy i di azot kozman moin la mark an-o la, méfyé azot. Méfyé azot pars sa lé konm in komansman dispite. Alé ! mi kite azot rofléshi la dsi é ni artrouv pli d’van. Sipétadyé !


Inn modékri, inn ti lavi, inn komantèr ?

signaler contenu


Facebook Twitter Linkedin Google plus