Médam, méssyé, la sossyété, koz èk mwin sé koz èk in kouyon, mé sé o pyé d’lo mir k’i oi lo masson.

Mézami mi panss toulmoune i koné kozman-la,pars shakinn rant nou la ansèrv kozman-la o mwins inn foi dann noute vi. Kansréti pou fèrm lo bèk in moune téi fé san fèr toute an fézan in komantèr dsu noute solitude é an gro i mète son kiyèr sal dann marmite i kui pa pou li.

Mé o fète, mal akonpagné kossa sa i vé dir, sirman ansanb avèk inn pèrsone movèz konpagni . Mé konm mi di souvan dé foi lé pli fassil fé porte l’otèr dsu kélk’in ké pran son prop résponsabilité. Normal ! Sa sé lo poin d’féblèss toulmoune dan la sossyété : touzour dégaj son prop résponsabilité é mèrte l’otèr dsu lé zot.

Astèr, mi kite azot rofléshi la dsu é ni artrouv pli d’van.Sipétadyé.