Ala in kozman nou la fine antann dé foi é dé foi dopi nou lé pti é dann la boush nout famiy konm dann la boush demoun étranj. Pou mon par, mi souvien lété mon gran-pèr, par l’fète,mari mon granmèr téi di sa.Li té yèm pa demoun i souplègn mèm sa téi mète ali an kolèr.I fo dir li l’avé gingn lo kou dann son vi .Pou kosa, zot va dir amoin ? Pars mon granpèr ,shak foi l’avé in kanikrosh kékpar, li téi mète ali d’dan é souvan dé foi pou lo pli fèb kont lo pli for. Zot i koné, souvan demoun i mète azot koté bann zabizèr é sa in rol fasil pou zot mé li téi vé pa zoué in rol konmsa.in zour in moun la domann ali pou kosa li mète ali kont bann zabizèr é li téi réponnn : « Pars dann mon famiy demoun lé fyèr ! » é « lé pli proférab fèr anvi ké pityé ! ». Mi kite azot rofléshi la dsi é ni artrouv pli d’van.Sipétadyé !

Justin