Fransh vérité in kozman konmsa sa i fé lontan mi antann sa é mwin lé touzour a dmandé si sé pou plézanté ou koi... fitintan sa té in afèr ésplikab pars demoune l’avé poin do koi ranpli zot boujaron. Alor la métrèss de mézon téi ankouraz a manzé.

Si zot la lir « faim d’enfance » osinonsa Bayalina zot i rapèl sirman koman in pé d’zélèv téi manz an goulipia pars la kaz l’avé poin manzé toulbon. Mé koméla, mi di pa toute demoune i manz a zot fain mé la plipar kant mèm. An pliss néna bonpé d’moune lé graé-graé donk i fo pa fors a manzé.

Alé ! Mi kite azot rofléshir la dsi é ni rotrouv pli dvan, sipétadyé.

Justin