Oté

« I vo myé in vérité mèm si lé ak, k’in mansonj log ou lo myèl. »

In kozman pou la rout

Justin / 15 mars 2019

JPEG - 43.6 ko

Kozman-la, sa in kozman péi komor.Mi koné pa si zot lé dakor avèk sa pars fransh vérité in vérité ak lé pa bon pou antann, mé lé vré in mansonj lé pa bon non pli pou antann mèm si li lé dou konm domyèl. Moin la antann dir galman mansonz la pate lé kourt é in mantèr i fé souk ali fasilman kan li l’apré ramass mantèr- épi lé pli préférab konète la vérité a tan.... Moin l’apré di sa, mé moin lé pa sir mi pans sa réèlman.Pou koué ?Pars si ou i vé pa fé soufèr in moun lé riskab ou i manti avèk li si ou i éstime lé pli proférab. Mèm to si ou i vé pa ramass in rès trankil donk ou i préfèr rakont in kak plito ké di in vérité. Zot i koné la loi La frans i donn aou l’otorizasyon mantir si ou i vé paf é trap aou.Arzout èk sa zot i koné tout vérité lé pa bon pou dir, alor ou i di pa . Biensir lé pa zoli viv dann mansonj mé tazantan lé méyèr konète ;alé ! Mi kite azot rofléshi la dsi é ni artrouv pli d’van.Sipétadyé !