In kozman pou la rout

« I vol pa in koshon lad ! »

28 zwin 2016, sanm Justin

In koshon lad sé in koshon malad. In koshon la trap la lad-ri. Lad ? Ousa mo-la I sort ? I paré li sort dann in parabol Saint-Luc é té lo nom in pov boug kouvèr avèk boubou. In koshon lad na plin bouton partou ziska la shèr nana plin ti-boul. Bien sir, sa la pa in n’afèr pou manjé. Sa la pa non pli in n’afèr pou volé pars in volèr i trouv pa son bonèr la-dan. Nout kozman kosa li vé dir ? Li vé dir si in volèr i pass, li vol in bon n’afèr, pa in n’afèr li pé pa ansèrv korèktoman. La pa forséman in koshon, mé i pé z’ète osi in vyé loto k’i marsh pi sansa d’ot z’afèr ankor. Lo volèr la pa pli kouyon pou alé rod in késhoz k’i pass pi sirtou si li pran son tan é ké li nana lo shoi. Alé ! ni artrouv pli d’van.


Signaler un contenu

Inn modékri, inn ti lavi, inn komantèr ?


Témoignages - 80e année


+ Lus