Mi di pa sa pou vanté, mé mi di sa pars lé vré. Pars nout zoinal la fine fé pass dann son kolone in bonpé tèks pliské valab : kissoi lo léksik Boris Gamaleya, kissoi bann zistoir kréol, kissoi bann tèks Axel Gauvin ; sète lo défin christian fontaine, kissoi déssèrtin teks Robert Gauvin, kissoi bann tèks bann zoinaliss témoignages kan nout zoinal l’avé lo moiyin pou anploiye demoune… Mèm kan li na pi moiyin pou moiyéné li kontinyé anparl la lang épi la kiltir noute péi..

Wala pou kossa mi konsidèr bann léktèr témoignages konm demoune rodoutab dann la konéssans noute lang éi nout kiltir… Ala pou kossa mwin lé sir in bann rantre zot la fine trouv lo mo téi fo trouvé sé zézyé pars i fo vide lo dodan pou gingn manz lo déor é sa lé bon oui ! Pou mwin sé lo méyèr vyann volaye, sansa kanar..

Astèr si mi di azot : « mi zète lo déor pou manz lo dédan ! », mi doute pa ké zot i trouv sa arienk an fézan travaye zot matyèr griz. Ni retrouv pli dvan sipétadyé.

Justin