Mézami kozman-la sé in dovinette kréol é pou lanss ali i fo poz in késtyon : « Kossa in shoz ? » sansa « késk’ine shoz ? ». Néna in pé i apèl sa « sirandane » mé d’ote i di sirandane sa lé malgash é sa lé pa rényoné. Anfin panss sak zot i vé d’sa — toute fasson zot néna rézon.

Antouléka kozman-la lé in pé partikilyé : dabitide i di « i zète lo déor pou manj lo dédan » é biensir néna in takon frui i kol avèk sa. Mé sète-la la pa in frui mé kékshoz néna dann volaye kan nou lété marmaye nou téi yèma ali bien : zot i rapèl zézyé ? Di pa mwin zot i rapèl pi sa ! Poitan sé sa mèm.

Alé ! ni rotrouv pli d’van, sipétadyé.

Justin