Dann la késtyonn fotbal ou pé z’ète shé ou, sansa déor - shé lé zot - é d’apré sak I di lé pli fasil gingn in mats shé ou ké shé lé zot. I parétré sé par raport lo douzyèm bononm-konmsa mèm I apèl lo piblik. Sak mi romark sé kant mèm kan in lékip lé gayar li gingn shé li, é li gingn shé lé zot. Kan in lékip lé kamu, li pèrd mats-alé, li arpèrd mats-rotour. Aprésa I shanj lantrénèr ! Sans prop I port dsi bataye kok mé si ni mète kok avèk lo ron an déor d’lafèr - si ou I sava gard in pé lo sans figiré, sa I vé dir dann tout landroi ou I sava I fo pa ou I less pa lé zot domine aou. Si néna in rapor d’fors I fo ou I artourn sa dann out favèr. Alé ! Mi kite azot rofléshi la dsi é ni artrouv pli d’an. Sipétadyé !