Médame, zé Méssyé, la sossyété koz èk mwin sé koz èk in kouyon, mé sé o pyé d’lo mir k’i oi lo masson.

Mézami, la vi koméla i arsanm pi ditou la vi lontan. Késtyonn ménaz, pou in oui, pou in non, ala lo dê i viv ansanm. Daniel Honoré i apèl sa in gardaz, é sa i v é dir in ménaz. I paré demoune i éssèye é kan i oi i pé alé, i kontinyé in parkour d’vi ansanb. Mé si néna d’lo dann gaz pli souvan ké son tour.

Momandoné i maryé pars a famiye i di i fo maryé, sansa pars toute lo bande kopine lé maryé. Mé la pa pou sa ké lé shoze i marsh myé : pou kossa, pars lo garsson i kroi li lé touzour sélibatère, é lo fiy i vé mète lé shoze o poin. Arzoute èk sa bo-père bèl-mère i mète lo né dann ménaze...

Lo garsson i rogrète li la maryé ; la fiye i rogrète pa tèman, mé èl i domande oussa i sava lo bato fou.

Alé ! Mi kite azot rofléshi ladsi par zot mèm é ni artrouv pli d’van. Sipétadyé.