Méssyé zé Dame, la sossyété, koze èk mwin sé koze èk in kouyon mé sé o pyé d’lo mir k’i oi lo masson.

Mézami souvan dé foi, i antande demoun apré kritike inn apré kritike l’ote konm ki diré zot néna toute kalité é lé zot néna arienk défo. Déssèrtènn foi sé bann paran par raporte zot zanfan prop. Promyé zafère ni pé dir : « In shien i fé pal o shate ! ». Sa i vé dire si lo zanfan lé konm li lé, sé bande paran k’i doi rogarde azot dann in glass an promyé...

Dézyème zafèr bande paran i krétik zot zanfan pars li konporte pa li konm zote, mé dann sète afèr kissa néna tor é kissa nénna rézon ? É si lété lo zanfan l’avé rézon ? É si lété lo paran té i gingn pa aprésyé konm i fo son prozénitir ?

L’èr-la mi panss i fo bien lire lo kozman lé marké an-o la – bien lire é bien rofléshir é ni rotrouv pli d’van sipétadyé.