Mézami alon majine in maryaz. La pa touzou ké néna in bon zalyans, souvan néna in mové zalyans é dann in ka konmsa shak famiye i shoizi son kan é dann in ka konmsa, lo zo i soutien la shèr. Momon lo garsson i soutien lo garsson ; momon la fiye i shoizi la fiye é la plipar d’tan la korde i kass koté li lé faye.

Sak la di oui dovan lo mèr, so kou-si i ardi oui dovan lo ziz é pa l’mèm oui bien antandi. Aprè sa la vi i kontinyé konmsa é shak famiye son koté i kontinyé panssé listoir lo bon shien épi lo bon zo.

Sé pou sa mi kite azot rofléshi la dsu é ni artrouv pli d’van. Sipétadyé.

Justin