Médam, Mésyé, La Sosyété, koz èk moin sé koz èk in kouyon-sé o pyé d’lo mir k’i oi lo mason. Mé zami, mi pans nou la fine oir ansanm kozman-la. Biensir pa pou anparl lo zo é pou an parl lo shien mé pou koz dsi in tik-tak sosyal. In Tik-tak dsi la vi an sosyété é sirtou in problèm rolasyon rant fiy épi garson. Zot i koné i pé ranvoye la bal inn pou l’ot é l’ot pou inn : pou dir son garson i frékant in fiy i vo pa la pène, lo momon va dir kozman moin la mark an-o la. Sa i anpèsh ar pa lo momon la fiy ranvoye la bal mèm fason épi astèr lo garson an sib l. Finalman d’apré sak mi kroi sak i mète dézord dann ménaz, la plipar d’tan sé sak i apèl bann bo paran. An touléka zot i rant pa d’dan pou amélyor la sos. Alé ! Mi kite azot rofléshi la dsi é ni artrouv pli d’van. Sipétadyé !