Oté

« In bon zo i tonm zamé dann la gèl in bon shien »

In kozman pou la rout

Justin / 15 séptanm 2018

JPEG - 43.6 ko

Sa in kozman kréol é mèm, si mi tronp pa, sa in provèrb La Rényon ; dopi étan pti mi konésa é shak foi moin la antann sa létté in késtyonn mové z’alyans rant in on m épi in fanm. Zot i koné souvan dé foi bann momon i yèm si tèlman z’ot garson ké zot i arète pa désann z’ot bèl fiy k’i koné paf é si, k’i koné paf é la, k’i okip pa z’ot garson kon m zot i voré ; Moin la konète in boug téi manz dé foi shak ropa : inn son kaz . l’ot la kaz son momon pars son momon téi pans son bèl fiy téi okip pa bien son mari. Bien sir momandoné lé dé té an biz-biz é lo garson bien mal anm..nuiyé. Alé ! Mi kite azot rofléshi la dsi é ni artrouv pli d’van. Sipétadyé !