Mésyé, Médam, La Sosyété koz èk moin sé koz èk in kouyon, mé sé o pyé d’lo mir k’i oi lo bon mason. Ni kontinyé nout batkaré dann L’afrik an proverb. Zordi ni arvir dsi la kote d’ivoir avèk plis présizyon dann péi agni : Provèrb an-o la i sort dann péi-la. Bann zansien i rapèl sirman kan d’moun téi gingn boubou épi sa téi rèss mèm landroi san pasé mèm an fouyan lo trou dan la shèr. Sèl romède : in pé téi mète fèye piman dsi mé san rézilta é zot téi antour avèk in toil pou pa féoir. Anfin provèrb-la, kosa li vé dir : sinploman si néna in problèm i fo règ ali toutsuit é pa atann bèlaz é botan sansa problèm-la, i rèss la, i fatig aou, i stress aou, i rann aou malad. Pli vite réglé é réglé vitman. Alé ! Mi kite azot rofléshi la dsi é ni artrouv pli d’van. Sipétadyé.