In famiy la invit son bo-pèr, lo soir pou manzé. Kan toulmoun la fine manzé téi rès ankor dann marmit. Lo bo-pèr la di avèk sa bèl-fiy : « Ma fiy, moin la vi aou kui out manzé é moin la romark ou la mète in pé plis k’i falé. Dann mon kèr moin la pans out mari i sava fé aou roprosh. Poitan li la pa roprosh aou arien ».

La bèl fiy la réponn : « Moin la pans pétète, ta-l’èr in moun va pasé é li nora fain, sé pou sa moin la mète in pé plis do-ri avèk kari o fé k’i fo , pars bann z’ansien la touzour di, é mon famiy la touzour suiv lo tik-tak k’in boshé manzé, sa i rofiz pa ».

Lo bo-pèr la konplimant son bèl fiy pou son répons é la di èk son garson : « Mon garson ou la bien tonbé, pars avèk in madam konmsa, ou lé dann bon shomin l’onèkté d’la vi. »