In kozman pou la rout

Toulmoun I koné la bouzi avèk son sir épi son mèsh par anndan. Koméla na pi si tèlman sa dann bann kaz La Rényon, mé dann lo tan d’avan demoun téi éklèr avèk la bouzi sansa avèk la lanp pétrol. Kouran-la, sat é rar konm korn lapin ! Touléka, ni koné zot téi ansèrv dann fénoir pou amenn in pti pé la klarté dann son shé soi…

Si zot I rapèl bien kan I alime lo bouzi li donn près pa la limyèr épi li téi klèr près pa mé kan la fine iz in pé, lo flam I klèr pli for, é lo sir I dégouline plizanpli. Sa lé vré, mé pou kosa proverb-la lé ankor dann la tèt demoun alé oir la bouzi la fine pass de mod ? Kèl kalité l’ésplikasyon ni pé trouv pou sa ? Pé s’fèr, ni pé di, si ou i vé fé kékshoz, i fo ou i fors, i fo ou i fatig out kor, i fo ou i iz out fors. Mi san zot i kroir pa moin, mé mi koné pa si zot nana in l’idé.