11 novanm 1811, 11 novanm 1918, ala dé gran dat. Inn lé pliss fété.
Grangran fèt an Frans, La Rénion, épisa partou ousa La Franss i amèn son bal. Kan bann Poilï la batay po sov bann frontièr La Franss, zot té mazine pa rant dann listoir. Poitan, 88 an apré, nana touzour in rokonésans po lo sakrifis bann solda-là la fé.

Zot va dir, mi yèm ral yink-yink, mi yèm grokèr. Détroi va dir Justin lé zamé kontan. La pa vré. Soman, dan nout péi La Rénion, koman n’i pé pass à koté in dat osi inportan : la révolt Eli i sort mèm pa dann la bous bann profésèr Listoir. Rakont tout zisko bout. Oté, sora doss kan banna va fé in lomaz. Pa in boulvar, ni in ronpoin. Dawar ziss in kabar. Soman rann ali, rann azot lounèr. Konbienn foi i fodra n’i di ankor : Nout bann maron, nout zesklav révolté i doi annawar zot lomaz, porézon zot la batay, zot la done la vi, po fagot la liberté in pèp.
Kansa n’a gingn mazine sa ?

Justin