Si na inn katégori d’moune - i date pa d’zordi - lé byin konsian difikilté la Sékirité Sosial sé asiréman bann travayèr, toute kalité konfondi. Rogmantasion kotizasion, nouvo kontribision, déranboursman médikaman, rogmantasion forfé lopital..., zot la touzour pass a la kès. Si la pa gété d’kèr, mé touzour an rèsponsab !

Fodré kroir la pa sé. Douste-Blazy, lo minis la santé, i vyinn propoz in nouvo zafèr. Toute travayèr, toute rotrété va voir zot ranboursman lo soin diminié de in ero. In rèsponsabilizasion “sinbolik”, dapré li. In sinbol va sonn komm in plui la monaye dann in mashine a sou...!

Pandan s’tan, léta i pèy touzour pa son dèt la Séki é bann patron i kontinié èt ékzonéré kotizasion sosial. Mèm si zot i anbosh pa in grin.

Plik zamé, monlavi, i fo ni ranfors nout vizilans é nout mobilisazion pou défann nout Sékirité Sosial...!

Justin