Zangoun, bat for zot min-là. Sak fanm-là la fé, lé plù for sinkant diskour bann désèrtin politikèr. Rapèl bien non-là : Eileen Collins. Sé èl té i komandann le Discovery. Sé in gran sinbol pou bann fanm, pou amont zot i pé avoir in gran rol dann nout sosiété. Eileen Collins i tonm konm in lègzanp a suiv.

Kongné, korbizé, rabésé, nioré, fanm i mank konsidérasion. Na in kozman i di : “le plù pov dann la kaz in ti travayèr, sé son fanm”. Zordi, listoir i amont anou èl nana inn plass de shoi. Kri alù “parité”, forss a voir la pokor apliké partou. Par landroi, fanm i rèss korbizé. Na ka lir bann fé-divèr. Avantièr, in fanm san fé gran diskour la di in gran parabol. Fanm i mérit in gran réspé.

Lé malizé soman toujour i fo raplé. Fanm i done la vi. Avantièr, in fanm la sov la vi, la sov la sianss. É la sine in gran viktoir pou la koz bann fanm le mond antié.

Zistin