Médam zé méssyé, la sossyété, koz èk mwin sé koz èk in kouyon mé sé o pyé d’lo mir k’i oi lo masson.

Mézami zot i koné bien kossa i lé la shiass- na dé foi i anparl ossi la movèz shanss. Antouléka, sa i vé dir sé in figuir d’moune iporte la shiass é ou la poin intéré trouv in moune konmsa si wi vé pa pass in mové zourné é foire dann toute out lantropriz.

Ni pé kant mèm avan d’fini noute kozman dir in pé inn-dé kalité figuir ni pé trouvé : Néna figuir d’pain-li lé alonzé- figuir landomin koud’van- shagriné avèk lo van- figuir brinjèl sansa figuir ballon brinzèl. Ni pé dir ankor in figuir d’plène line... Mi arète la pars lo bande zimaz lé assé for pou fé konprande azot.
Alé ! Mi kite azot rofléshi la dsu é ni artrou pli d’van, sipétadyé