Gasparin avèk Briné té dé z’onm politik La Rényon dann komansman vintyème syèk. Lé dé té pa dann mèm parti é kan l’avé in zéléksyon té i donn bann gran-gran bataye nèrvis san konté la frode éléktoral-konm té i di dann tan shakinn l’androi li té pli for, li té i fé akoush lo momon-koshon ; sa té i vé dir té i bour l’irn. Arzout èk sa fanaz l’arzan épi lo ronm… Zéléksyon fini lo kozman té i rès pars kan demoun té i diskite san finisyon : l’èr-la téi di gasparin-briné, gasparin-briné. Armète la dsi ké inn Gasparin lété bien fonsé alé oir l’ot Briné lété in blan plushé. Inn té la koulèr vin kui donk kina é l’ot té blan konm rom blan é gran-matin dann bivète té pa rar antann : « Donn amoin in Gasparin-Brunet siouplé ! ». L’été in mélanz kina avèk rom blan. So kozman – la la dir lontan mèm ziska ké lé dé z’onm té fine sort dann la politik, mèm pétète désote la vi. Alé ! Ni artrouv pli d’van sipétadyé.