Médam, Mésyé, La sosyété, koz èk moin sé koz èk in kouyon mé sé o pyé d’lo mir k’i oi lo mason. Mé zami, zot i koné la moral dann fab La fontaine sak téi di konmsa : la rézon lo pli for sé touzour la méyèr, ni sava prouv ali talèr-sa zot i pé lir dann in fab i apèl « lo Lou épi lo pti mouton ». Zot i koné bann fabilis i fé koz zanimo la plipar d’tan mé mi pans i pé fé koz demoun osi, konm i pé fé koz bann gouvèrnman-si i vé pars dan la vi, la plipar d’tan lé konm sa : néna sak i abiz donk bann zabizèr é sak i doi siporté donk bann viktime ! Si ou lé fèb, antansyon aou, pars néna toultan in pli for i fé pass a ou mové zourné. Alé ! Mi kite azot rofléshi la dsi épi prépar azot pou k’i anprofte pa dsi zot é ni artrouv pli d’van. Sipétadyé.