Oté

“In kankrela néna toultan tor dovan in volaye”

In kozman pou la rout

Justin / 9 zwiyé 2018

JPEG - 43.6 ko

Provèrb moin la mark an-o la, sa in proverb l’Afrik é kisa k’i dire bann saj l’afrik na poin rézon. La natir lé konmsa é nou lé dann l’obligasyon rokonète in kékshoz konmsa. Tout sak néna sansa l’avé poul dann z’ot kour i diré azot sa lé vré san pou d’bon. Lafontaine téi di pa : « La rézon lo pli for lé touzour lo méyèr rézon ». Mé antansyon la pa toultan lo pli pti sé lo pli fèb : la prèv ? In pti baktéri gro konm arien ditou i gingn anvoye in gro kapor ad patrès ! Bann zamétrikin té i pans zot téi sava korij Vietnam é mank de po sé zot la gingn lo rès trankil. Alé ! Mi kite azot rofléshi la dsi éni artrouv pli d’van. Sipétadyé.