Moin la fé in rèv : moin té ékri an fransé dann mon ti lankadré dernié paz. Ou plito, kom di lot, moin nana in rév : tout mon zournal ékri an kréol sof mon ti mo si la fin. Sé pa t’inn afèr i désidré fasilman. Mé moin la fine di : si nou mét pa kréol dan la min domoun, kisa va fé ? Noré pou pansé si i fé sa, na pi pésone pou asèt lo zournal. Moin mi di fo oir.

Inn afèr lé sir na poin rien i anpésh nout lang nir la lang linformasion. Kèl léktèr “Témoignages” i bordré in lartik kréol ? Kèl moun i lir anou dopi 60 an i anvoudré d’nou ? Tout batay nou la travèrs ansanm pou innsèl zafèr : fé ansort lo Rénioné in moun dobout, in moun lé pa plis, in moun lé pa moin. Kosa nou atann pou kalkil in karo pli gran pou nout lang ?

Zistin