Mézami mwin lé sirésèrtin zot i koné kozman-la pars i di kozman-la pou demoune lé long konm in zour san pain. Mwin la konète ossi demoune nou téi kriye baguète pars an pliss d’ète long, li lété droite épi li l’avé pwin bonpé d’form.

Zot i koné in pyé papaye ? San z’ète gran-mèm li néna son gabari-dimanssion. Zot i koné ossi koman papaye i sharj… I komanss par lo ba épi i done plizanpli o. Si tèlman in momandoné i fo lo boug lé assé gran pou kass in papaye.

Toute fasson dir in nafèr konm mwin la marke an-o la sé in limaz la grandèr lo moune i lé ».

Alé ! Mi kite azeot rofléshir dsi lo kozman é ni retrouv pli dvan, sipétadyé.

Justin